252 Food Distribution

ਨਿਸ਼ਕਾਮ ਸੇਵਾ ਸੰਮਤੀ ( ਰਜਿ. ) ਕੋਟਕਪੂਰਾ ਦੇ 252ਵੇਂ ਮਾਸਿਕ ਰਾਸ਼ਨ ਵੰਡ ਸਮਾਗਮ ਦਾ ਆਯੋਜਨ ਨਿਸ਼ਕਾਮ ਸੇਵਾ ਸੰਮਤੀ ਦੇ ਸਰਪ੍ਰਸਤ ਸ੍ਰੀ ਯਸ਼ ਪਾਲ ਅਗਰਵਾਲ ਜੀ ਤੇ ਪ੍ਰਧਾਨ ਸ੍ਰੀ ਮਨੋਜ ਦਿਵੇਦੀ ਜੀ ਦੀ ਅਗਵਾਈ ਹੇਠ 2 ਜੂਨ 2024 ਦਿਨ ਐਤਵਾਰ ਨੂੰ ਅੱਗਰਵਾਲ ਭਵਨ , ਕੋਟਕਪੂਰਾ ਵਿਖੇ ਕੀਤਾ ਗਿਆ। ਪ੍ਰੋਗਰਾਮ ਦੀ ਸ਼ੁਰੂਆਤ ਬਹੁਤ ਵਧਿਆ ਢੰਗ ਨਾਲ ਸਮਿਤੀ ਦੇ ਸੀਨੀਅਰ ਸਕੱਤਰ ਲੈਕਚਰਾਰ ਸ੍ਰੀ ਵਰਿੰਦਰ ਕਟਾਰੀਆ ਵੱਲੋਂ ਕੀਤੀ ਗਈ ।ਸੰਮਤੀ ਦੇ ਸਰਪ੍ਰਸਤ ਸ੍ਰੀ ਯਸ਼ਪਾਲ ਅੱਗਰਵਾਲ ਜੀ ਨੇ ਹਾਜਰ ਸੰਮਤੀ ਦੇ ਸਾਰੇ ਸਤਿਕਾਰਯੋਗ ਮੈਂਬਰਾਂ ਨੂੰ ਭਵਿੱਖ ਵਿੱਚ ਸੰਮਤੀ ਦੇ ਹੋ ਰਹੇ ਵਿਸਤਾਰ ਬਾਰੇ ਚਰਚਾ ਕੀਤੀ ਤੇ ਕਿਹਾ ਕਿ ਸੰਮਤੀ 100 ਜਰੂਰਤਮੰਦ ਬੇਸਹਾਰਾ ਔਰਤਾ ਨੂੰ ਆਉਣ ਵਾਲੇ ਸਮੇਂ ਚ ਸੰਮਤੀ ਨਾਲ ਜੋੜ ਰਹੀ ਹੈ । ਸੰਮਤੀ ਦੇ ਪ੍ਰਧਾਨ ਸ੍ਰੀ ਮਨੋਜ ਦਿਵੇਦੀ ਜੀ ਨੇ ਹਰ ਮੈਂਬਰ ਨੂੰ ਹੋਰ ਵੱਧ ਤੋ ਵੱਧ ਮੈਂਬਰ ਜੋੜਨ ਦੀ ਬੇਨਤੀ ਵੀ ਕੀਤੀ ਤਾਂ ਜੋ ਹੋਰ ਜਰੂਰਤਮੰਦ ਨੂੰ ਸੰਮਤੀ ਨਾਲ ਜੋੜਿਆ ਜਾਵੇ । ਨਵੇਂ ਜੁੜੇ ਦਾਨੀ ਸੱਜਣਾ ਦਾ ਧੰਨਵਾਦ ਤਾੜਿਆ ਮਾਰ ਕੇ ਕੀਤਾ ਗਿਆ । ਇਸ ਮੌਕੇ ਸੰਮਤੀ ਦੇ ਪੁਰਾਣੇ ਮੈਂਬਰਾ ਨੇ ਆਪਣੀ ਮਾਸਿਕ ਦਾਨ ਰਾਸ਼ੀ ਚ ਵਾਧੇ ਦਾ ਵੀ ਭਰੋਸਾ ਦਿੱਤਾ ।

ਇਸ ਸਮਾਗਮ ਦੀ ਮੁੱਖ ਮਹਿਮਾਨ ਪਰਮ ਸਤਿਕਾਰਯੋਗ ਸ੍ਰੀ ਸੰਜੀਵ ਕਿੱਟੂ ਅਹੂਜਾ ਜੀ( 1st ਵਾਈਸ ਪ੍ਰਧਾਨ ਲਾਇਨਜ਼ ਕਲੱਬ ( ਰਾਇਲ)) ਕੋਟਕਪੂਰਾ ਸਨ । ਮੁੱਖ ਮਹਿਮਾਨ ਦੁਆਰਾ ਸੰਮਤੀ ਵਲੋ ਕੀਤੇ ਜਾ ਰਹੇ ਕੰਮਾ ਦੀ ਸ਼ਲਾਘਾ ਕੀਤੀ ਗਈ ਤੇ ਖੁਸ਼ੀ ਵਿਚ ਸੰਮਤੀ ਦੇ ਮੈਂਬਰ ਵੀ ਬਣੇ । ਮੁੱਖ ਮਹਿਮਾਨ ਜੀ ਨੇ ਕਿਹਾ ਕਿ ਸੰਮਤੀ ਬਹੁਤ ਹੀ ਸੁੱਚਜੇ ਢੰਗ ਨਾਲ ਚੱਲ ਰਹੀ ਹੈ । ਮੁੱਖ ਮਹਿਮਾਨ ਨੇ ਆਪਣੀ ਖੁਸ਼ੀ ਨਾਲ ਸੰਮਤੀ ਨੂੰ 5100/- ਰੁਪਏ ਵਿੱਤੀ ਦਾਨ ਦਿੱਤੇ । ਲਾਇਨਜ਼ ਕਲੱਬ (ਰਾਇਲ) ਕੋਟਕਪੂਰਾ ਦੇ ਮੈਂਬਰਾਂ ਵਲੋਂ ਖ਼ਾਸ ਤੌਰ ਤੇ ਇਸ ਪ੍ਰੋਗਰਾਮ ਚ ਸ਼ਮੂਲੀਅਤ ਕੀਤੀ ਗਈ । ਆਖਿਰ ਚ ਮੁੱਖ ਮਹਿਮਾਨ ਨੇ ਮਈ ਮਹੀਨੇ ਦੀਆਂ ਰਾਸ਼ਨ ਭਰੀਆਂ ਦੋ ਗੱਡੀਆਂ ਨੂੰ ਹਰੀ ਝੰਡੀ ਦੇ ਕੇ ਰਵਾਨਾ ਕੀਤਾ। ਇਸ ਉਪਰੰਤ ਸੰਮਤੀ ਦੇ ਮੈਂਬਰਾ ਨੇ 20 ਟੀਮਾਂ ਬਣਾ ਕੇ ਕੋਟਕਪੂਰਾ , ਜੈਤੋ ਤੇ ਇਸ ਦੇ ਨਜ਼ਦੀਕੀ 25ਪਿੰਡਾਂ ਦੀਆਂ 260 ਵਿੱਧਵਾ ਤੇ ਬੇਸਹਾਰਾ ਔਰਤਾਂ ਦੇ ਘਰਾਂ ਚ ਰਾਸ਼ਨ ਪਹੁਚਿਆਂ । ਪ੍ਰੋਗਰਾਮ ਤੇ ਆਏ ਮੁੱਖ ਮਹਿਮਾਨ ਤੇ ਮੈਬਰਾਂ ਲਈ ਚਾਹ ਦੀ ਸੇਵਾ ਇਸ ਵਾਰ ਸੰਮਤੀ ਦੇ ਦਾਨੀ ਸੱਜਣ ਸ੍ਰੀ ਸੰਜੀਵ ਧੀਂਗੜਾ ਜੀ , ਐੱਲ ਆਈ ਸੀ , ਨੇ ਨਿਭਾਈ । ਇੱਥੇ ਸਰਪਰਸਤ ਯਸ਼ਪਾਲ ਜੀ ਨੇ ਮੁੱਖ ਮਹਿਮਾਨ ਨੂੰ ਦੱਸਿਆ ਕੇ ਸੰਮਤੀ ਨੂੰ ਦਾਨ ਕਿਤੇ ਪੈਸੇ ਦੀ ਵਰਤੋ ਸਿਰਫ ਬੇਸਹਾਰਾ ਦੀ ਜਰੂਰਤ ਨੂੰ ਮੁੱਖ ਰੱਖ ਕੇ ਕੀਤੀ ਜਾਂਦੀ ਹੈ ਇਸ ਲਈ ਚਾਹ ਪਾਣੀ ਦੀ ਸੇਵਾ ਹਰ ਵਾਰ ਦੇ ਤਰ੍ਹਾਂ। ਦਾਨੀ ਸੱਜਣਾ ਵਲੋਂ ਕੀਤੀ ਜਾਂਦੀ ਹੈ ।

ਇਸ ਮੌਕੇ ਸ਼ਹਿਰ ਦੇ ਪਤਵੰਤੇ ਵਿਅਕਤੀ ਅਤੇ ਸੰਮਤੀ ਦੇ ਮੈਂਬਰ ਸ੍ਰੀ ਟੀ. ਆਰ. ਅਰੋੜਾ ਜੀ , ਸ੍ਰੀ ਸੁਭਾਸ਼ ਜਰਮਨੀ , ਲੈਕਚਰਾਰ ਵਰਿੰਦਰ ਕਟਾਰੀਆ , ਸ੍ਰੀ ਸੋਮਨਾਥ ਗਰਗ , ਸ੍ਰੀ ਸੰਜੀਵ ਧੀਂਗੜਾ ,ਕ੍ਰਿਸ਼ਨ ਮੁਨੀਮ , ਜਸਵਿੰਦਰ ਸਿੰਘ ਢਿਲਵਾਂ, ਰਾਜਿੰਦਰ ਗਰਗ , ਸੁਰਿੰਦਰ ਸਿੰਗਲਾ , ਕੁਲਦੀਪ ਸਿੰਘ , ਲਲਿਤ ਬਜਾਜ ,ਮੁਕੇਸ਼ ਜਿੰਦਲ , ਸੁਖਵਿੰਦਰ ਸੁੱਖੀ , ਨਿਖਿਲ ਗੁਪਤਾ , ਸੁਭਾਸ਼ ਗੁਪਤਾ , ਵਿਪਨ ਚੋਪੜਾ , ਬੰਸੀ ਲਾਲ ਧੀਂਗੜਾ , ਰਾਜਿੰਦਰ ਕੁਮਾਰ , ਬਿਲਵਾ ਮੰਗਲ , ਲਾਇਨ ਮਨਜੀਤ ਔਲਖ , ਸ਼ਾਮ ਲਾਲ ਸਿੰਗਲਾ , ਸੁਰਿੰਦਰ ਸਿੰਗਲਾ , ਕਰਨਲ ਅਮਨਦੀਪ ਸਿੰਗਲਾ , ਲਾਇਨ ਪ੍ਰੋਫੈਸਰ ਪ੍ਰੀਤਮ ਸਿੰਘ ਭੰਗੂ , ਲਾਇਨ ਜੋਗਿੰਦਰ ਸਿੰਘ ਮੱਕੜ , ਲਾਇਨ ਭੁਪਿੰਦਰ ਸਿੰਘ ਮੱਕੜ , ਲਾਇਨ ਐਸ ਐਸ ਘੁਲਾਇਨੀ , ਲਾਇਨ ਸੁਨੀਲ ਛਾਬੜਾ , ਲਾਇਨ ਮਨਜੀਤ ਸਿੰਘ ਲਵਲੀ , ਲਾਇਨ ਬਿਰੇਂਦਰ ਪਾਲ , ਸੁਰਿੰਦਰ ਕੁਮਾਰ , ਕੁਲਦੀਪ ਸਿੰਘ , ਧਨੀਜਿੰਦਰ ਸਿੰਘ ਬਰਾੜ , ਪ੍ਰੇਮੀ ਸੁਰਿੰਦਰ ਮਨਚੰਦਾ , ਪੂਜਾ ਗੁਪਤਾ, ਸੁਭਾਸ਼ ਮਿੱਤਲ , ਸੁਭਾਸ਼ ਬਾਂਸਲ ਆਦਿ ਪਤਵੰਤੇ ਸੱਜਣ ਹਾਜ਼ਰ ਰਹੇ ।