251 Food Distribution

ਨਿਸ਼ਕਾਮ ਸੇਵਾ ਸੰਮਤੀ ( ਰਜਿ. ) ਕੋਟਕਪੂਰਾ ਦੇ 251ਵੇਂ ਮਾਸਿਕ ਰਾਸ਼ਨ ਵੰਡ ਸਮਾਗਮ ਦਾ ਆਯੋਜਨ ਨਿਸ਼ਕਾਮ ਸੇਵਾ ਸੰਮਤੀ ਦੇ ਸਰਪ੍ਰਸਤ ਸ੍ਰੀ ਯਸ਼ ਪਾਲ ਅਗਰਵਾਲ ਜੀ ਤੇ ਪ੍ਰਧਾਨ ਸ੍ਰੀ ਮਨੋਜ ਦਿਵੇਦੀ ਅਗਵਾਈ ਹੇਠ 5 ਮਈ 2024 ਦਿਨ ਐਤਵਾਰ ਨੂੰ ਨਗਰ ਕੌਂਸਲ ਦੇ ਟਾਊਨ ਹਾਲ , ਕੋਟਕਪੂਰਾ ਵਿਖੇ ਕੀਤਾ ਗਿਆ। ਪ੍ਰੋਗਰਾਮ ਦੀ ਸ਼ੁਰੂਆਤ ਹਰ ਵਾਰ ਦੀ ਤਰਾਂ , ਬਹੁਤ ਵਧਿਆ ਢੰਗ ਨਾਲ ਸਮਿਤੀ ਦੇ ਸੀਨੀਅਰ ਸਕੱਤਰ ਲੈਕਚਰਾਰ ਸ੍ਰੀ ਵਰਿੰਦਰ ਕਟਾਰੀਆ ਵੱਲੋਂ ਕੀਤੀ ਗਈ ।, ਸੰਮਤੀ ਦੇ ਸਰਪ੍ਰਸਤ ਸ੍ਰੀ ਯਸ਼ਪਾਲ ਅੱਗਰਵਾਲ ਜੀ ਨੇ ਹਾਜਰ ਸੰਮਤੀ ਦੇ ਸਾਰੇ ਸਤਿਕਾਰਯੋਗ ਮੈਂਬਰਾਂ ਨੂੰ ਭਵਿੱਖ ਵਿੱਚ ਸੰਮਤੀ ਦੇ ਹੋ ਰਹੇ ਵਿਸਤਾਰ ਬਾਰੇ ਚਰਚਾ ਕੀਤੀ ਤੇ ਸੰਮਤੀ ਦੇ ਹਰ ਮੈਂਬਰ ਨੂੰ ਹੋਰ ਵੱਧ ਤੋ ਵੱਧ ਮੈਂਬਰ ਜੋੜਨ ਦੀ ਬੇਨਤੀ ਵੀ ਕੀਤੀ । ਸੰਮਤੀ ਦੇ ਪ੍ਰਧਾਨ ਸ੍ਰੀ ਮਨੋਜ ਦਿਵੇਦੀ ਜੀ ਨੇ ਦੱਸਿਆ ਕਿ ਸੰਮਤੀ ਹੋਰ ਲੋੜਵੰਦ ਬੇਸਹਾਰਾ ਮਾਤਾਵਾ ਤੇ ਭੈਣਾਂ ਨੂੰ ਆਉਣ ਵਾਲੇ ਸਮੇ ਚ ਜੋੜਨ ਜਾ ਰਹੀ ਹੈ । ਸ੍ਰੀ ਯਸ਼ਪਾਲ ਜੀ ਨੇ ਅੱਗੇ ਦੱਸਦੇ ਕਿਹਾ ਕੀ ਲੰਬਿਤ ਪਏ ਲੋੜਵੰਦ ਤੇ ਬੇਸਹਾਰਾ ਮਾਤਾਵਾਂ ਤੇ ਭੈਣਾਂ ਦੇ ਕੇਸਾ ਨੂੰ ਸੰਮਤੀ ਦੇ ਮੈਂਬਰ ਵੱਲੋ ਵੇਰੀਫਾਈ ਕਰਵਾਇਆ ਜਾ ਰਿਹਾ ਹੈ ਤਾਂ ਜੋ ਜਲਦੀ ਇੰਨਾ ਨੂੰ ਮਾਤਾਵਾਂ ਤੇ ਭੈਣਾਂ ਨੂੰ ਸੰਮਤੀ ਦੇ ਪਰਿਵਾਰ ਨਾਲ ਜੋੜਿਆ ਜਾਵੇ । ਨਵੇਂ ਜੁੜੇ ਦਾਨੀ ਸੱਜਣਾ ਦਾ ਧੰਨਵਾਦ ਤਾੜਿਆ ਮਾਰ ਕੇ ਕੀਤਾ ਗਿਆ ਤੇ ਨਿਖਿਲ ਗੁਪਤਾ ਜੀ ਨਵੇਂ ਜੁੜੇ ਮੈਂਬਰਾ ਵਿਚੋ ਇਸ ਪ੍ਰੋਗਰਾਮ ਚ ਹਾਜਰ ਸਨ ।

ਇਸ ਸਮਾਗਮ ਦੀ ਮੁੱਖ ਮਹਿਮਾਨ ਡਾਕਟਰ ਪ੍ਰਮੋਦ ਗੁਪਤਾ ਜੀ , ਡਾਕਟਰ ਨਮਿਤ ਗੁਪਤਾ ਜੀ ,ਪ੍ਰਮੋਦ ਡੈਂਟਲ ਕਲੀਨਿਕ ਫ਼ਰੀਦਕੋਟ ਰੋਡ ਕੋਟਕਪੂਰਾ ਦੁਆਰਾ ਸੰਮਤੀ ਵਲੋ ਕੀਤੇ ਜਾ ਰਹੇ ਕੰਮਾ ਦੀ ਸ਼ਲਾਘਾ ਕੀਤੀ । ਡਾਕਟਰ ਪ੍ਰਮੋਦ ਗੁਪਤਾ ਜੀ ਤੇ ਡਾਕਟਰ ਨਮਿਤ ਗੁਪਤਾ ਜੀ ਨੇ ਕਿਹਾ ਕੀ ਸੰਮਤੀ ਬਹੁਤ ਹੀ ਸੁੱਚਜੇ ਢੰਗ ਨਾਲ ਚੱਲ ਰਹੀ ਹੈ ਤੇ ਉਹ ਇਹ ਸੁਣ ਕੇ ਹੈਰਾਨ ਸਨ ਕਿ ਕਿਸ ਤਰ੍ਹਾਂ ਸੰਮਤੀ ਦੇ ਮੈਂਬਰਾ ਵੱਲੋ ਦਾਨ ਕੀਤੀ ਰਾਸ਼ੀ ਨੂੰ ਸਿਰਫ ਤੇ ਸਿਰਫ ਦਾਨ ਦੇ ਕੰਮ ਚ ਹੀ ਵਰਤਿਆ ਜਾਂਦਾ ਹੈ ।ਮੁੱਖ ਮਹਿਮਾਨ ਨੇ ਆਪਣੀ ਖੁਸ਼ੀ ਨਾਲ ਸੰਮਤੀ ਨੂੰ 5100/- ਰੁਪਏ ਦਾਨ ਦਿੱਤੇ । ਆਖਿਰ ਚ ਮੁੱਖ ਮਹਿਮਾਨ ਨੇ ਮਈ ਮਹੀਨੇ ਦੀਆਂ ਰਾਸ਼ਨ ਭਰੀਆਂ ਦੋ ਗੱਡੀਆਂ ਨੂੰ ਹਰੀ ਝੰਡੀ ਦੇ ਕੇ ਰਵਾਨਾ ਕੀਤਾ। ਇਸ ਉਪਰੰਤ ਸੰਮਤੀ ਦੇ ਮੈਂਬਰਾ ਨੇ 20 ਟੀਮਾਂ ਬਣਾ ਕੇ ਕੋਟਕਪੂਰਾ , ਜੈਤੋ ਤੇ ਇਸ ਦੇ ਨਜ਼ਦੀਕੀ 25ਪਿੰਡਾਂ ਦੀਆਂ 270 ਵਿੱਧਵਾ ਤੇ ਬੇਸਹਾਰਾ ਔਰਤਾਂ ਦੇ ਘਰਾਂ ਚ ਰਾਸ਼ਨ ਪਹੁਚਿਆਂ । ਪ੍ਰੋਗਰਾਮ ਤੇ ਆਏ ਮੁੱਖ ਮਹਿਮਾਨ ਤੇ ਮੈਬਰਾਂ ਲਈ ਚਾਹ ਦੀ ਸੇਵਾ ਇਸ ਵਾਰ ਸੰਮਤੀ ਦੇ ਦਾਨੀ ਸੱਜਣ ਕ੍ਰਿਸ਼ਨ ਮੁਨੀਮ ਜੀ ਨੇ ਨਿਭਾਈ । ਇੱਥੇ ਸਰਪਰਸਤ ਯਸ਼ਪਾਲ ਜੀ ਨੇ ਮੁੱਖ ਮਹਿਮਾਨ ਨੂੰ ਦੱਸਿਆ ਕੇ ਸੰਮਤੀ ਨੂੰ ਦਾਨ ਕਿਤੇ ਪੈਸੇ ਦੀ ਵਰਤੋ ਸਿਰਫ ਬੇਸਹਾਰਾ ਦੀ ਜਰੂਰਤ ਨੂੰ ਮੁੱਖ ਰੱਖ ਕੇ ਕੀਤੀ ਜਾਂਦੀ ਹੈ ਇਸ ਲਈ ਚਾਹ ਪਾਣੀ ਦੀ ਸੇਵਾ ਹਰ ਵਾਰ ਦੇ ਤਰ੍ਹਾਂ। ਦਾਨੀ ਸੱਜਣਾ ਵਲੋਂ ਕੀਤੀ ਜਾਂਦੀ ਹੈ ।

ਇਸ ਮੌਕੇ ਸ਼ਹਿਰ ਦੇ ਪਤਵੰਤੇ ਵਿਅਕਤੀ ਅਤੇ ਸੰਮਤੀ ਮੈਂਬਰ ਟੀ. ਆਰ. ਅਰੋੜਾ ਜੀ , ਸ੍ਰੀ ਸੁਭਾਸ਼ ਜਰਮਨੀ , ਲੈਕਚਰਾਰ ਵਰਿੰਦਰ ਕਟਾਰੀਆ , ਸ. ਮਨਮੋਹਨ ਚਾਵਲਾ ਜੀ , ਸ੍ਰੀ ਸੋਮਨਾਥ ਗਰਗ ਜੀ, ਸ੍ਰੀ ਸੰਜੀਵ ਧੀਂਗੜਾ ,ਕ੍ਰਿਸ਼ਨ ਮੁਨੀਮ ਜੀ , ਸ਼੍ਰੀ ਮਤੀ ਸਤੋਸ਼ ਰਾਣੀ , ਮਾਸਟਰ ਇਕਬਾਲ ਸਿੰਘ ਮੱਲਣ ,ਜਸਵਿੰਦਰ ਸਿੰਘ ਢਿਲਵਾਂ, ਰਾਜਿੰਦਰ ਗਰਗ , ਸੁਰਿੰਦਰ ਸਿੰਗਲਾ , ਮੈਡਮ ਮਾਹੀ , ਸੁਨੀਤਾ ਰਾਣੀ , ਕੁਲਦੀਪ ਸਿੰਘ , ਲਲਿਤ ਬਜਾਜ ,ਮੁਕੇਸ਼ ਖੰਨਾ , ਐੱਲ ਡੀ ਮਹਿਰਾ , ਸੁਖਵਿੰਦਰ ਸੁੱਖੀ ,ਪੂਜਾ ਗੁਪਤਾ, ਸੁਭਾਸ਼ ਮਿੱਤਲ , ਸੁਭਾਸ਼ ਬਾਂਸਲ ਆਦਿ ਪਤਵੰਤੇ ਸੱਜਣ ਹਾਜ਼ਰ ਰਹੇ।